Entrée Andriamanantena: Mitsikia!
Partie du discours nom propre (titre de poème)
Auteur Andriamanantena Georges
 
Mitsikia! Miràna endrika!
K'aza odiana re akory ny fanetoky ny fery
ao anatinao, ry foko! Pero aza ny fisento
tsy hipololotra intsony, ka ny masonao mijery
Hatanjaho tsy ho rendrika !

F'efa hatrany am-piandohana
no nazava taminao fa ny volana handalo
ary hanintsana ny felany aorian'ny famololony;
ny lohataona dia ho lasa… ny valiha hitsaha-kalo;
ary tahaka izany koa ny fitiavana natolony:
Tsiro manam-piafarana.

Ny fahendrena ve? Fantaro!
Minia mitsiky raha ory. Minia mifaly raha tomany.
Ny ranomaso atelomy na mangeja sy mandifotra
fa hanjary " perla " izy, toy ny fasika mavany
nokobonin-taona maro tao an-kibon'ito sifotra.
Ny toloko, atsaharo!
Vocabulaire 
Tableaux et planches Tous les titres

2017/06/21