|
|
|
 |
 |
 |
| Entrée | Tselatra: Tia izay tia | |
| Partie du discours | nom propre (titre de poème) | |
| Auteur | Tselatra (Rajonah), 1910/05/27 | |
| Vocabulaire | Littérature: poèmes | |
| Tableaux et planches | Tous les titres | |
| Texte | - Izaho saonjo ery an-dohasaha, ianao tatamo ery an-kamory: mihefa ny eny mba mihefa aho, tony ny eny mba tony aho. Tsy fitia latsaka ny anay ka hanambatambazana mpitsimpona; tsy tanora diso zara ka hanohina maso-mpijery. Fa zaza mitovy tsy mifandranga trano iray lenta tsy mifaniva; tia ny any miara-tia, tsy tia ny any miara-mianjona. - Ny fitiavana, rahavako, tsy tsipy rano miamboho ka ifanadidiavana; tsy lahi-mizana ratsy tefy ka hitongilana hiletsy ila; fa tia aho matoa manoloana, vonona aho matoa sahy lanja. Ratany: Raha hiringiringy ho tendrombohitra anefa ianao, dia hamitsaka aho fa iva; ratany: ratanyraha hitsoroadroaka ho hazo avo ianao, hikainkona aho fa fohy sandry. Fa ratany: ratanyraha mba hanao fitia mifandefitra, dia tsy aiza aho fa fandrotrarana misafosafo amin'ny tany; ratany: ratanyraha dobo mora tsobohina, dia fandiorano tsy mahafoy tany hita aho ka hilentika aminao fe ritra. | |
| 2017/07/26 |
|