| Texte |
13 [CR] Hono, ry tsikirity amoron-dalana;[CR]ry vero aman'ampanga an-tsisim-boly:[CR]Nandalo teto ve Andriantsoa mora tia, mora tofoka? Ka inona no dinika nolazainy, inona no hafatra napetrany? Mbola tia, mbola manina ve, hono, izy, no migogogogo toa zazakely, ary s midradradradra tsy mahalala menatra? Nahoana no omaly mampitamby sy mampifilafila, ka anio ihany dia mifona sy milela-paladia? Tsy mbola nilaozako tandavan-taona ka mimenomenona sahady hamerina.[CR]Lazao azy, ry vonin'avoko an-tampon-tanety;[CR]ambarao azy, ry ahitsorohitra an-kalamanjana, raha mbola misy fitia tsy levona'o hoe any, saingy sendaotra tamim-pahatezerana, dia tsy omeko tsiny, tsy omeko fondro, fa rehefa mivalo sy migirasy tamin'ny fahadisoana dia avelako.[CR]Kibo tsy sosotra aman-kavana no aty, ary fo tsy mitahiry lolom-po, ka rehefa niady maraina dia tsy menatra hangata-pihavanana hariva.[CR]Izany, hono, no fahendrena, izany no fananan-tsaina.[CR]
14 [CR]valiny[CR]
15 [CR]Henoy, ry tsikirity mpitondra hafatra sy ry vero mpitondra dinika.[CR]
16 [CR]Izao lazaina, izao ambara amin-dRadalampitia.[CR]Tsy nitomany, tsy nigogogogo Andriantsoa hoe, fa nibitaka sy nifaly.[CR]Olona nitondra[CR]mafy sy nilonjy fahoriana izy, ka tsy mahatoha ny kobaka am-bava, tsy mahalaitra ny votena an-tenda.[CR]Ny hanambitamby na hanolikoly, hono, dia atao fady, atao sanatria.[CR]Tovolahy tanora ary zatovo maitso volo aho, rahavana, ka mora manova.[CR]Tsy mihevitrà[CR]izay efa nilaozana aho, rahavana, ary tsy mitambitamby amin-javon' Ankaratra.[CR]Bitsiho azy, ry avoko endriky ny lemaka, ary dinidiniho aminy, ry ahitsorohitra ravaky ny tampon-tanety:[CR]tsy tia tsy manina intsony, hono, izy fa ny teo aza nanenenany.[CR]Aborahy aminy tsara fa tsy fahatezerana izany na fahasosorana fa avonavom-pitia.[CR]Izay efa nahita ny toe-dratsy, hono, dia tofoka, ka ny fo zaka no entina mody ary ny fo feno eritreritra no entina mianjona.[CR]Ka dia veloma aminy mandrakizay, masina aminy mandra-pahafatiny.[CR]
|
