Entrée Kabary nataon-dRasoherina
Partie du discours nom propre (titre d'histoire courte ou de discours)
Sous-titre tamy ny nisehoany teo Andohalo
Auteur Cousins William Edward
Tableaux et planches Tous les titres
Texte XXII. Kabary nataon-dRasoheri-manjaka tamy ny nisehoany teo Andohalo, Aug. 30, 1863. Izao ary, tompokolahy, favory etony havako, vory eto ny ambanilanitra, ka foin' Andriamanitra ho ahy ny tany sy ny fanjakana, ka tonga eto amy ny saha masina nohasininy ny Roa amby ny Folo Manjaka, ka nahamasina an' Andrianampoinimerina, ka nahamasina any Ilahidama, ka nahamasina -an-dRabodonandrianampoinimerina, ka ampiako saotra : sy hasina, ka izay saotra sy hasina ataony ny ambanilanitra ahy dia hahamasina ahy, hahatratrantitra ahy. 2. Koadiany fankasitrahana no ataoko aminareo ambanilanitra, fa tsy nanova ny tenin'Andrianampoinimerina, tsy nanova ny tenin' Ilahidama, tsy nanova ny tenin-dRabodonandrianampoinimerina, dia ny fan kasitrahana no ataoko aminareo ambanilanitra, dia sitrako, dia telitó, dia mamiko, ry ambanilanitra, fa dia toky kosa no omeko anareo ambanilanitra, fa izaho nosolony sy fanovan'izy telomianaka. Fa tsy izay, rу ambanilanitra ? 3. Ary raha vita izany, ry ambanilanitra, izaho no arony ny vady, izaho no arony ny zanaka, mandria ny vady, mandria ny zanaka, fa ny kely manana ny atzy, ary ny bemananany azy, famandria. Fa tsy izay, ry ambanilanitra ? 4. Fa izaho napetrany aminareo, ary hianareo navelany amiko, fa lehibe ity tany navelan' izy telo mianaka amiko ity, fa tsy adidiko izaho irery ity tany ity, fa adidiko izaho sy hianareo, ry ambanilanitra; fa toky no omeko anareo, ry ambanilanitra è! Fa tsy izay, ry ambanilanitra? 5. Raha vita izany, ry ambanilanitra, ny lalàko efa voalazako taminareo ambanilanitra, efa renareo ambanilanitra, koa dia tandremo tsara ny lalána, ry ambanilanitra, fa izaho tsy mahafoy ain' olon-ko-faty fa zaran' izay mahatona ; fa izaho Andriana tsy mamitaka. Fatsy izay, ry ambanilanitra?

2019/08/17