|
|
|
 |
 |
| Entrée | 1 Rabetsimandranto Fidelis-Justin |
| Mots élémentaires | 2 Rabetsimandranto, 3 Fidelis, 4 Justin |
| Partie du discours | 5 nom propre (anthroponyme) [Liste complète] |
| Explications en malgache |
6 Rabetsimandranto Fidelis-Justin (1907-1966)
[1.1] 7 Fidelis-Justin Rabetsimandranto dia 8 teraka tao Antananarivo tamin'ny taona 1907, volana Oktaobra ary nodimandry tamin'ny volana Aogositra 1966. 9 Tao Mananjara, vohitra kely naorin'Andrianampoinimerina tany an-tendrony, ao ambany atsimon'Ambohijanahary, no akany nahitany masoandro. 10 Ny razambeny dia anisan'ireo " Valopololahy " sy " Valopolovavy " nafindran'ny Ombalahibemaso fonenana tao. 11 Tao amin'ny Sekolim-panjakana tao Fiadanana no nanombohan-dRabetsimandranto nianatra, dia nifindra tao amin'ny "Ecole-Supérieure " tao Faravohitra izy, ary avy ao dia niditra ho kilasimandry tao amin'ny " Collège Saint-Michel" Amparibe; 12 dia tao no nianarany nandritra ny efa-taona ka nahazoany ny diplaoman'ny fahazoa-mampianatra. 13 Nony nivoaka ny fianarana izy, tamin'ny taona 1925, noho ny talenta hita taratra nananany tamin'ny fanoratana, dia nangatahina mba ho isan'ny Mpanoratra amin'ny " Feon'ny Marina " , ka dia tao no nanombohany ny asany voalohany amin'ny soratra ary nahalalan'ny maro ny hakanton'ny diam-peniny mitondra ny solon'anarana hoe: 14 Fidelis-Justin, "anarana indrana" nentiny mandra-pahafatiny. 15 Ny poezia no isan'ny soratra nahavanana azy sy nankafiziny fatratra ary nokaliny sy nanorenany fo tokoa. 16 Raha vao herintaona monja no nanoratany an-gazety, dia namoaka ho boky ny asany voalohany izy, izay nomeny anarana hoe "Fehezam-boninkazo" , tononkalo mirindra sy feno aingam-panahy ambony ka toa niavaka tamin'ny asa soratra fahita tamin'izany andro izany. 17 Hatramin'io taona 1926 io, dia tsy nitsahatra ny nanoratra i Fidelis Justin Rabetsimandranto, ary nifototra tamin'ny literatiora ka ny amboaran-tononkalo sy tantara poezia vitany hatramin' izay dia miisa amin-jatony; 18 ny tantara foronina, enina ambin'ny folo; 19 ny tantara fampisehoana, enina; 20 ny Vako-drazana, enina, ka anisan'ireo ny "Kabary taloha sy ankehitriny ". [2.314] |
| Vocabulaire | 21 Littérature: auteurs |
| Ouvrages littéraires |
22 Adidy nandresy fitiavana Tritriva 23 Andraikiba 24 Antananarivo sy Ambanivohitra 25 Avonavona resim-pitia 26 Diksionera Malagasy : A-Doka 27 Fehezam-boninkazo 28 Fo idealy 29 Fomba amam-panao malagasy : 1887-1962 30 Hady folo sosona 31 Hain-teny malagasy 32 Iangivola 33 Kabary vaovao 34 Ny kabary taloha sy ankehitriny 35 Ny voninkazon-dohataona 36 Ralibenja 37 Ranokombe 38 Sahy sedra Mizana tsindrian’ ila 39 Soaniary 40 Sorobaton’ilay jamba 41 Trimofoloalina 42 Vatolahy 43 Votso-droa |
| Mis à jour le 2025/11/20 |
|